本來出呢篇Post先！！
但要處理嘅相片都幾多，小漫處理進度又極之龜速 哈哈~
所以咪攪到而加先出得囉(￣∀￣*)ゞ呵~呵~~
是咁的...
新年時間，小漫潛左水~!!!!同大爺Mike、Mymama一齊潛去旅行(๑¯ω¯๑)v
所以整糕工廠今年停產 哈哈~
至於去左邊度旅行呢??等遲下小漫再同比大家分享下啦
喺新年咁開心嘅日子再加上外遊，心情特別暢快，食都食得開懷
結果放縱自己之下咪招致惡果囉......(,,> <,,)
去完個旅行小漫足足肥左幾磅．．．_|￣|● (問妳知驚未?!)
為左制止磅數不斷上升！！
所以一返到香港又嗱嗱淋開始計劃我嘅瘦身大計(๑°ㅁ°๑)‼
小漫絕對唔係齋Talk之人( •̀ㅁ•́ฅ✧
講左就當然要坐然起行~!!!
呢啲就係我嘅瘦身法寶喇٩̋(๑˃́ꇴ˂̀๑)ﾌｧｲﾔ
①鄭多燕--唔洗我多講，大家都知佢嘅用途
②小漫手痕痕畫左個瘦身記錄表
呢個表係可以督促住我瘦身進度!!超級有用( ´益`)哈哈
除此之外仲要做多啲帶氧運動啦┗(^o^ )┓<33=3 =3 =3
最、最、最重要就係控制飲食喇!!!
一講到減肥食野，好多人認為一定白灼青菜同捱肚餓
咁絕對係大錯特錯~！！！╮(╯ㅁ╰)╭
以小漫實戰經驗同少少心得話比大家知，減肥絕對要食得飽、飲得暖
食飽左( ꒪3꒪)=3 =3 =3
大腦同肚皮就唔會發出誘惑訊息，叫你去食多啲(๑°ㅁ°๑)‼
當然唔係大擦特擦，或者吔兩條青菜就叫飽咁極端啦~
係一餐裡面有飯、有菜、又有肉，要均衡營養~！！
食嘅份量只要控制得好，長遠係會令自己細食左架(o´罒`o)哈哈~
飲暖野對腸胃係最好，腸胃好、身體自然好啦 係咪??
(雖然我到而加都未習慣飲暖水)
"番茄醬"會令人諗起肉醬意粉、Pizza.....極之美味又誘惑( ꒪﹃ ꒪)
可惜市面醬汁係減肥大敵之一！！！
街買返嚟一定係多油、多鹽、多糖、多味精、多添加劑
咁又冇理由因為減肥唔同醬汁做朋友架?!好Dry啫~!!!!!
想滿足食欲之餘又健康，唯有自己郁手整啦(o´罒`o)
▼材料︰番茄200克、車厘茄200克、紅蘿蔔100克、南瓜70克、洋蔥1/2個
白蘑菇3粒、Basil及Oregano各適量、鹽及黑胡椒少許
(呢個可以做倒400ml份量)
▼車厘茄同番茄洗乾淨
▼番茄去蒂，喺底部表面"界"十字
唔知大家睇唔睇倒個十字呢??哈哈~
▼將番茄放入煲滾嘅水左煮2-3分鐘，之後就過冷河去番茄皮切件
▼車厘茄一開二
▼將所有食材係咁切切切!!!!
南瓜切件、紅蘿蔔切條、白蘑菇切片、洋蔥切條
▼切好晒之後，除左白蘑菇同洋蔥之外其他食材舖喺焗盤上，洒上黑椒同鹽
放入已預熱焗爐160度焗30分鐘
焗過嘅番茄同車厘茄特別香甜，味道濃郁，亦都係呢個醬靈魂之一!!!!!
如果怕熱氣南瓜同紅蘿蔔改做蒸~
▼熱鑊下油，將洋蔥爆香煮至金黃，等佢釋放出甜味
▼車厘茄去皮
▼將番茄、車厘茄、紅蘿蔔、南瓜、洋蔥、白蘑菇、Basil全部放入攪拌機
打成醬~
▼之後將番茄醬過篩，等個醬再順滑啲，唔整都得 隨你喜歡 哈哈~
倒入個煲，加入Oregano用細火煮到出煙，一邊煮就一邊攪，煮到自己想要
嘅稠度就可以架喇(๑´ڡ`๑)
▼玻璃樽用滾水煮佢15分鐘消毒，廚紙抹乾
倒入岩岩煮好嘅番茄醬~!!!
▼蓋好蓋，然後倒轉放直至完全攤凍，就可以放入雪櫃冷藏
顏色雖然冇街外買嘅番茄醬咁深紅，但勝在夠全天然，食得健康~!!!
亦因係全天然，保存期只有一星期咋( •̀ㅁ•́ ✧
呢個番茄醬好洗好用，可以用嚟整pizza醬又得、整羅宋湯又得、
整肉醬更加冇問題啦 wakakaka
醬汁配唔同食材會有唔同味，為方便調味，所以呢個醬仲有任何調味
▼早兩日大爺Mike喺fb見倒人地整腸仔意粉，佢又話要吔啵(๑´ڡ`๑)
咁就滿足下呢位大細路啦٩̋(๑˃́ꇴ˂̀๑)ﾌｧｲﾔ
▼再配埋自製番茄肉醬......
香草肉醬腸仔意粉 完成♪
賣相同一般肉醬意粉係咪冇分別呢 wakakaka
大爺Mike仲話下次將意粉"吉"兩舊腸仔，
煮好之後一開二，一舊一啖仲好食( ´罒`*)✧"
佢真係唔知"吉"嗰個係幾咁辛苦(-_-" )
▼嗱...嗱...嗱~!!!!唔係我買架
有人明知人家減緊肥，又明知人家最愛吔薯片( ꒪﹃ ꒪)
都竟然帶佢返嚟~!!!!完全係挑戰我底線呀(☄ฺ◣д◢)☄
之但係意志堅定嘅小漫係唔會比佢K.O.倒嘅(...希望...)Σ(ﾟ∀ﾟﾉ)ﾉ......
大爺Mike真係個魔鬼教練(￣ー+￣)
沒有留言:
張貼留言