尋日係19年難得一遇嘅中西情人節(ღˇᴗˇ)｡o
♡ﾟ･｡♥｡･ﾟ♡ﾟ･｡♥｡･ﾟ♡ 〜Happy★Valentine〜 ♡ﾟ･｡♥｡･ﾟ♡ﾟ･｡♥｡･ﾟ♡
咁好嘅日子，當然要問下大爺Mike想食中式定西式甜品啦(๑´`๑)♡
大爺Mike曾經講過想食動物造型湯圓，小漫一心諗住佢會簡中式
點知大爺Mike話食西式Σ(ﾟ∀ﾟﾉ)ﾉ再問佢都係話要食西式(-_- ")
其實係我自己想整中式甜品多啲 wakakakaka
不過好在我都有兩手準備( ´益`)哈哈
大爺Mike好鍾意食朱古力♡٩(❛□❛๑)✧
就整個超級簡單嘅特濃朱古力布丁啦~!!!!
▼材料︰黑朱古力40克、淡忌廉100ml、鮮奶25ml、糖10克、
魚膠粉2克、水1/2湯匙
呢個甜品岩岩好係二人份量~!!!
喜歡再重口味嘅朋友仔，可以用有幾多%嘅朱古力
不過煮嘅時間就要注意溫度!!!(小漫用嘅係免溫調朱古力)
▼魚膠粉加水混合
▼黑朱古力、淡忌廉、牛奶同糖於煲內用細火煮至完全混合
▼加入凝固左嘅魚膠粉攪拌至完全溶解，熄火~
▼倒入容器內攤凍，放入雪櫃雪1-2小時
▼布丁凝固後用刀喺個杯邊"界"一圈，等個布丁易啲脫模~
再放入暖水浸15-25秒~!!!!!
千其唔好浸太耐，如果唔係布丁會完全溶解，浪費晒啲心血就唔好啦(,,> <,,)
▼倒模~!!!
其實基本上布丁已經完成，食得架喇~
係咪好簡單呢?? wakakakaka
▼情人節就當然唔可以咁行收貨啦(￣∀￣*)ゞ
於是隨手整左啲裝色，等大爺Mike食得開心啲( ´益`)
加左啲士多啤梨呀、藍莓呀、朱古力條呀......個布丁係咪即刻變得精緻左
同高貴左呢??真係人見人愛、車見都唔會拒載
大爺Mike見到直頭冧晒 wakakaka
▼有甜品點可以冇頭盤、主菜架 係咪先??
所以我用最簡單食材整左個set出嚟(￣∀￣*)ゞ
咁就唔洗出街食勁貴嘅情人節餐啦~!!!!
自己煮都係一樣咁好味同浪漫啫 wakakaka~
ღ浪漫情人餐ღ
湯：南瓜濃湯
主菜：法式蜜糖芥末煎豬扒
煎釀番茄
甜品：特濃朱古力布丁
查實西式餐係我最少整，因為準備功夫比較多~
就連大爺Mike都好少食倒我整嘅成個set(๑¯ω¯๑)
通常都係拆散食，啫係一餐裡面只係得三樣野嘅其中一樣~!!!!
不過喺咁特別嘅日子，就一次過滿足晒佢三個願望啦 哈哈~
唔一定喺啲高級餐廳食豪華情人餐先叫浪漫有情調嘅
喺屋企玩煮飯仔、都係一浪漫、幸福❣ ❣
沒有留言:
張貼留言