真係鬼整∑(°口°๑)❢❢
訓到零晨兩點幾醒左訓唔返il||li＿|￣|○ il||li
而加眼光光等天光( ꒪⌓꒪)
小漫係一個醒左就好難訓得返嘅人！！
唔通……呢啲就係叫失眠！？Σ(｡>д<｡)ゞ
唉~還掂都係訓唔着
咁唯有開住部腦打埋篇BOLG啦
你地睇下我幾勤力~！！半夜三更都喺度寫BLOG wakaka
大爺Mike又一至愛 - 百花釀雞翼(≧∇≦) 哈哈~！！
小漫絕對冇偷工冇減料！！
雞全翼入面塞滿晒蝦膠，真係漲爆架 wakakaka
就連梨氏夫婦都嚟我家作客都指定要吔佢( ´益`)
真係自食又得宴客都得架(๑´ڡ`๑)哈哈哈
▼材料︰雞全翼6隻、蝦仁100克、免治豬肉20克、芫茜適量
就係得咁多材料，超簡單( ´益`)
以前細個好唔鐘意食芫茜，覺得味道好怪，反而而加大個左又唔抗拒
仲覺得佢好香添~！！
如果怕左芫茜嗰陣“香”嘅朋友仔，可以唔落
或者加自己喜歡嘅香草撈落去又得啫
最緊要岩自己口味嘛 你話係咪先？
▼拆骨呢家野呢，就咁用刀係好難，小漫自問未有咁嘅刀功
所以用廚師交剪剪斷雞鎚嘅筋位
再將肉嘅部份一推就會起晒成條骨出嚟架喇~！！
▼今次到雞翼位喇~！！
同樣都係用交剪剪去筋位
將雞肉一推就會起咗兩條骨架喇
▼所以煎皮拆骨冇難道 wakakaka
▼用1/2湯匙醬油醃15-20分鐘
▼蝦肉剁至起膠質
雖然用攪拌機打乾手淨腳
但出嚟嘅蝦膠冇彈性，口感係會淨啲
所以有時間嘅朋友係，不妨用刀剁，好食好多架
▼所有材料準備好之後呢，就到調味喇~！！
芫荽味道都幾重下，所以我唔加太多調味料
簡單啲，加少少鹽同胡椒就ok
▼將混合好嘅餡料塞入雞全翼入面
唔千其、千其唔好太貪心啵~
適量就ok，太多嘅話
等陣煮嘅時候一漲起有機會會爆餡架(๑°ㅁ°๑)‼
仲有個方便釀入雞翼嘅方法！！
(呢個都係我招呼梨氏夫婦嘅時候諗到)
就係將餡料放入唧袋，然後唧入雞翼度
咁就唔怕唔知點釀入去啦(o´罒`o)哈哈
▼釀好之後用牙纖穿起封口
費事煮嗰陣漏晒啲餡出嚟
▼整好晒之後，就可以落鑊半煎炸至熟透
▼等到雞翼熟晒同香脆之後，就可以囉起隔油
▼切開一半比大家睇下先~！！！
認真漲爆嫌啖啖肉(๑´ڡ`๑)wakakakakakaka
沒有留言:
張貼留言