我同大爺Mike都想"囍帖"會與眾不同
所以決定每一張帖都係handmade
希望收到我地"囍帖"嘅親朋戚友都感受到我地嘅心思(๑´ㅂ`๑)♡*.+゜
"囍帖"設計方面當然由我負責啦
大爺Mike提議我地嘅"囍帖"嚟一個中西合壁
中式方面我又唔想太傳統
所以封面兩邊我除左加入自畫Q版小漫&大爺Mike
仲用"Forever Love"造左字型設計
為免又要額外印多款地圖咭
我就張中間嘅封底畫埋地圖認真環保又慳錢 哈哈！！
入面整左心形圖預陣間cut個形出嚟
西式結婚禮服嘅小漫&大爺Mike
所有圖設計好之後呢當然要整個版睇下我個"囍帖"設計work唔work啦
"界"野係最花時間同埋要好集中精神一唔留神，就會"界"歪左架喇
攪左半粒鐘終於完成~！！
等我講解一下我個囍帖設計先啦
條紅線就好似月老牽紅線，寓意我地一直相愛到永遠
反轉後面呢就係地圖咭
打開就會出現立體心心，仲有西式嘅小漫&大爺Mike錫錫٩(๛ ˘ ³˘)۶♡♡
連囍帖內容都有別於一般傳統 he hee~
其實整個設計要改左幾次版先整到呢個sample咋~！！
基本上我地要嘅囍帖就係咁嘅款
當然仲有好多細緻位要再執執佢啦
例如張帖咩色襯咩色呀同埋印刷問題
事關我地未必會囉出去印
所以呢個都係幾重要問題不過留返遲啲講啦 哈哈~！！
沒有留言:
張貼留言