高貴、美味♪士多啤梨朱古力

情人節整情人餐用淨一大盒士多啤梨(๑°ㅁ°๑)‼
整甜品、蛋糕就係咁，
永遠買一大盒士多啤梨返嚟用得嗰兩三粒╮(╯_╰)╭
最衰唔擺得耐，有時唔記得左擺喺雪櫃…
到發現嗰時已經太遲，發晒霉Σ٩(๑⊙Δ⊙๑)۶！？
浪費食物il||li＿|￣|○ il||li


本著食得唔好晒嘅精神(๑•̀ㅁ•́ฅ✧Good！！

小漫整左個超簡單、又好味、睇落仲好高級嘅……

*ଘ(੭*ˊᵕˋ)੭* ੈ✩‧₊˚ 士多啤梨朱古力

呢款甜品絕對係冧人之選  wakakaka！！

▼材料：士多啤梨一盒、黑朱古力、白朱古力
             (份量好隨意，自己嚟啦 he hee~)


▼將士多啤梨洗乾淨，用廚紙抹乾


▼ 朱古力倒入溶器度加熱


▼煮到完全溶解即可
   冇呢啲專用機咁點算好(๑⊙⊙๑)！？用熱水座溶朱古力一樣得！
   呢舊野買左返嚟咁耐都未用過，係時候要用下佢喇 哈哈~
   大爺Mike仲問：妳幾時買架！？
   耐到連佢都唔記得當時係佢同我一齊買，可想而知係幾耐世紀嘅事 wakakaka


▼ 用竹纖拮住粒士多啤梨，沾上朱古力醬


▼ 放喺個盤度封乾~!!!
    今日天氣超級凍嘅關係，朱古力自己凝固左(o´罒`o)
    連放入雪櫃雪嘅時間都慳返 哈哈~


▼所有士多啤梨沾上朱古力凝固左之後，淨返嘅朱古力漿都唔好晒~
   用牛油紙摺個漏斗型紙兜，"筆"啲朱古力醬落個兜度
   摺埋個口，尖端位用交剪剪去一小部份，等朱古力醬容易擠出


▼ 好隨意咁擠出花紋！！


▼ 喜歡嘅可以整唔同款士多啤梨朱古力架~!!!!


▼ 士多啤梨朱古力  完成♪
    似唔似喺高級朱古力店買返嚟呢?? wakakakaka