因為大爺Mike影左實在太多相Σ(๑°ㅁ°๑)‼都唔知Post邊張先相好~!!!!
小漫幾經辛苦終於簡左批旅行出嚟同大家分享(￣∀￣*)ゞ
等我又學下人寫旅遊BLOG先 wakakakaka~
話說、MyMaMa成日話想去旅行~!!!!
趁住年初一二三，小漫、大爺Mike陪MyMaMa返左國內旅行三日~
到左目的地之後，第一站就係去依飽左個五臓廟先( ꒪﹃ ꒪)
食嘅野都唔太差....有肉、有魚又有菜
食飽飽( ꒪3꒪)=3 =3 =3就開始我地第一站......長隆動物園٩(๑ >ω⊙๑)۶yeah~！！！
唔知係小漫困喺石屎森林太耐丫，定香港太少呢類主題公園?!
咁近距離睇啲動物特別覺得有新鮮感(￣∀￣*)ゞ
睇動物紀錄片睇得多，親眼見嘅都係一次(///ω///)he hee~
其實有好多動物名我都已經唔記得，所以唔好問小漫佢地係咩名 wakakaka~
▼除樹可見嘅鸚鵡~!!!
冇野邦住，但佢地仍然好乖咁企喺棵樹度
認真訓練有素
▼園內有好多表演睇，阿導遊話最好睇亞洲老虎show
但個動物園太大....根本行唔晒，最後只睇左一場小show~！！！╮(╯ㅁ╰)╭
▼當佢一行出嚟，大爺Mike就話︰犀牛呀(๑°ㅁ°๑)‼
"其實係河馬嚟架 wakakaka"小漫即刻當堂死爆肚٩̋(๑˃́ꇴ˂̀๑)ﾌｧｲﾔ
▼初生熊BB
▼隻猩猩仔唔知係咪發脾氣~!!!
係咁用背脊"得"住我地，攪刑影唔倒佢可愛嘅正面╮(╯ㅁ╰)╭
▼呢個餵老虎仔飲奶影相其實都幾搵笨
比30蚊人仔只係比你餵幾啖奶
要影相?!麻煩自備相機或者智能手機丫，唔該~
▼正牌犀牛出場 ( ´益`)wakakakaka~
▼搭火車去睇動物要8個字車程~
但都只能夠遊覽左整個動物園四分一，可想而知個動物園係幾咁大
▼原來食蟻獸係會"咩"住仔女行嚟行去~!!!!
▼恐龍會郁會叫，有小朋友直頭嚇到喊Σ(ﾟ∀ﾟﾉ)ﾉ
▼卡娃依嘅小熊貓(๑´`๑)♡
佢嘅動作好快，好唔易先捕捉佢入鏡
▼是夜、我地去睇大馬戲表演~
雖然價格比起我幾年前睇貴左好多，但都幾值得一睇~！！！
有啲變化，唔會千篇一律٩(❛□❛๑)✧
但如果再加價嘅話....其實係唔會考慮囉(-_- ")
第二日去左一個叫神秘果園嘅地方~
紅色嗰粒就係叫神秘果
咁塊檸檬有咩用呢!?就係比我地試食Σ(ﾟ∀ﾟﾉ)ﾉ
冇錯！！食檸檬~食左啖之後食神秘果再食返檸檬，檸檬味道會由酸變少少甜
最神奇之處就係呢度 哈哈~
第二站：園明新園
聽下導遊講故事，行下影下相~
最攪笑係本來我地團人得小貓三四隻聽導遊講故(其他團友自己行)
點知聽聽下發現身邊多左好多好生面口嘅人同我地一齋聽~!!!!
仲要導遊去邊介紹佢地跟到去邊聽，認真博大懵 哈哈~
第三日就過關去澳門
真係估唔到人多到勁恐佈囉~!!!!
好彩最後都順利過關~
喺澳門都冇咩好行，只係行左商場同賭場就返歸!!!!
總括而言....
呢個旅行都幾好玩，唔錯!!唔錯!!!
不過以後唔會簡新年去旅行....過關場面太可怕喇(-_- ")
沒有留言:
張貼留言