ʚ❤ɞ相戀3960天@浪漫之旅ʚ❤ɞ

話咁快咁又過左一個禮拜！！！
到而加諗返起上星期五同大爺Mike浪漫之旅本地遊仍然覺得好似尋日發生咁.+.(♥´ω`♥)゜+.゜
真係好希望時間可以停留o係o個日就好喇 wakakakaka
(小漫，醒喇喂!!!唔好再發夢ing......)

*ଘ(੭*ˊᵕˋ)੭* ੈ✩‧₊˚10月4係我同大爺Mike踏入相戀3960天嘅大日子❣❣
WOW~❣❣❣❣❣❣不經不覺我地一齊咁多日
之前講過今年嘅呢日要比個驚喜大爺Mike
所以早o係幾個月之前我已經著手籌備
我等呢個Big Big Day等左好耐架喇 哈哈~

 打響頭炮嘅當然係送上小禮物啦~!!!
本來打算偷運去長洲先送比大爺Mike的~
但太、太、太大多件嘅關係，運送過程變得複雜....
而且最重要嘅係，囉住咁大舊野去旅行，冇可能唔比大爺Mike知架嘛~
咁唯有將送份禮物嘅地點改o係屋企送啦  都一樣咁有Feel 哈哈~


大爺Mike：我很貪心！很享受做大爺的感覺，給妳寵壞了！！
小漫：那就讓我愛你一生，寵壞你一輩子！到老嘅時候手拖手到公園漫步( ˘ ³˘)♥
(出自我地嘅交換日記)

冇錯，小漫向大爺Mike求婚❣❣
過程雖然係前所未咁有緊張、開心、甜蜜~
見到大爺Mike由心笑出嚟，我知道我嘅心思同誠意感動到佢
令佢願意戴上天使戒指  wakakakaka~

傳統都係由男仔向女仔求婚的(我一直都係咁認為)
直至一年多前幫積奇梨出書，有一篇章提到佢老婆艾絲達向佢求婚~
艾絲達認為女仔都要以求婚向伴侶表示自己誠意~
雖然係好創新嘅思想，但我好buy~
而且愛一個人、表達愛意更加唔應該分男女~
唔只女仔，男仔同樣都需要被愛，要好好珍惜對方~

送完小禮物之就展開我地兩日一夜嘅浪漫之旅喇  哈哈~
話時話、同大爺Mike一齊左咁多個年頭，真正二人世界去旅行就係第一次~!!!

到左長洲一落船嘆左支大腳八之後就去B & B check in~
比一般渡假屋乾淨、整潔及舒適，而且租房費用包早餐~
由碼頭行兩分鐘倒就到，超級方便！！(推介旅館，可網上訂房)
記得N年前同一大班朋友去過長洲過夜
o個d渡假屋佈置同佢show比你睇嘅係兩回事(-_-" )
但B & B真係做到現實同相嘅一樣  Good！！！！

休息左一陣之後就到長洲周圍行下、食下~

其實長洲嘅橫街窄巷有好多小舖~!!!!
又有婆婆喺街邊叫賣"茶果、雞屎滕"
呢啲而加喺市區係已經絕跡，希望長洲能夠一直保存佢獨有風貌！
另外，小長城都值得一行，雖然佢推介嘅景點石好多都睇唔倒∑(ºロºlll)
但黃昏時分，可以睇倒又大又靚嘅鹹蛋黃，唔錯！！


行完小長城攰攰地，我地又返酒店抖一陣、訓陣先~
8點幾又出動~!!!!行晒成個長洲海鮮餐館，最後都係選擇左蘇波記！！
本身想食下賴尿蝦、蟹呀咁，大爺Mike又嫌要去殼麻煩(除左我去埋殼比佢食就另計)
咁唯有叫d平時食開嘅野啦~
可能太夜食飯關係，要聖子冇聖子、要乾炒牛河冇乾炒牛河．．．_|￣|●
最後上左呢四樣餸，好食~
我地諗住坐o係海邊食有Feel d啦，點知超多"水小強"陪我地食飯∑(ºロºlll)
嚇到我同大爺Mike即刻轉枱.....

 

而加諗返起都毛管棟(╥﹏╥)


講到食物價格，其實長洲一啲都唔平(我個人認為偏貴)，但難得去到點都要試吓嘅(´罒`)
甘永泰-醬爆芝士丸拼三文魚丸(推介)非一般芝士丸，即叫即炸 正！！
炸雪糕:個皮食落似沙翁質地，幾好味，但好膩~
大大粒燒汁魚蛋：彈牙，個汁超正，全長洲最多口味嘅一間(唔記得咩名)⋯⋯
故鄉茶寮：紅豆餅，唔太甜，平！
豆腐花、魚皮角碗仔翅(紅豆餅隔離)：豆腐花-太多石膏粉，唔滑；個翅足料好食！
蟹柳燒：用雞蛋仔麵粉包住蟹柳，加上哈哈笑沙律醬，唔錯！！但阿婆冇睇火，所以燒燶左啲 哈哈
本來想食埋薯片串，不過真係超貴~！！
成廿七銀一串耶∑(ºロºlll)真係食左翹飛咩~?!
大爺Mike話又咪同薯片差唔多，冇咩特別o者~!!!!!
諗落又係啵~所以都係慳返個荷包算啦~

仲有、仲有十年前我地整左個時間錦囊(o＾ ▽ ＾o)ノ彡☆
今年終於都要打開lu♪((o(≧▽≦)o))♪
感覺好似同返10年前嘅自己見面一樣~
裡面所寫嘅野大家都忘記晒  wakakakaka~
只記得當年我地放左一對鑽石糖戒指入去 哈哈~

今年我地又再將新嘅夢想同說話寫落去~
期待10年之後再同大爺Mike一齊打開呢個時間錦囊❣❣