小漫係妳邊位?!(下)

終於出倒下集喇(*´罒`*)哈哈~!!
同大家講聲唔好意思m(_ _)m
工作上有太多野要處理，忙到冇時間比我畫畫......
希望大家唔會等到頸都長埋啦  he hee~


講返故事下集~!!
瘦身成功o既關係，連個樣同ID Card都有唔同~!!!
(o者一個圓形變左一個倒三角!!)
但當時冇留意就照去銀行....而且我當時只緊張個戶口簽名岩唔岩~
因為太耐冇o係櫃台處理戶口o既野，名都幾乎唔記得點簽~
估唔到銀行職員唔係話我個簽名唔岩，而係問"小漫係妳邊位"．．．_|￣|●
仲要係咁問我問題，令我勁尷尬囉~!!!!
尷尬程度係直頭想掘個窿捐入去咁濟....真係"火羅"爆.....

大爺Mike聽倒第一個反應當然係笑爆啦......( ´益`)哈!哈!!哈!!!
佢話好在唔係o係大陸，如果唔係見倒我個樣同ID Card唔同......
一定唔比我返香港．．．_|￣|●

話時話，過左N年咁耐我都仲未換過張新o既ID Card.....
我諗係時候要去換過張，我唔想出境o既時候又發生同類尷尬事件~!!!!!